Pagsusuri ng Tula

                                                                                        UNANG TULA

Pamagat: Mapanglaw ang mga Ilaw sa CALABARZON

May Akda: Pedro L. Ricarte

Teoryang Pampanitikan: Ang teoryang pampanitikan ng tulang ito ay Realismo sapagkat

           nagpapahayag ang tulang ito ng katotohanan sa buhay na kung saan  ipinapakita rito ang

           tunay na kalagayan ng mga magsasaka at ang mga lupain ay ipinagbibili kapalit ang malaking

           halaga.

Patunay: Unang Saknong

               May bakas pa sa tubig ng mga pinitak

               Ang mga huling silahis ng nakalubog nang araw.

               Hindi na sana siya nag- araro pa,

               Hindi rin lamang tiyak na matatamnan

               Ang lupang itong ipinagbibili na ng may- ari

               Sa isang malaking korporasyon ng mga dayuhan.

               Ang balita ko'y bilyon ang ibabayad,

               At may makakaparti raw siyang sandaang libo.

Ritmo: Ang tulang ito ay nagpapahayag ng pagkalungkot ng isang magsasaka nang ipagbili ng may-

        ari ang lupaing kanyang sinasaka. Nalulungkot siya dahil napamahal na sa kanya ito at

        maraming mga magsasaka ang umaasa sa bukid na kanilang sinasaka.


Anyo ng Tula: Ang kayarian ng Tula ay malayang taludturan dahil walang sinusunod na sukat ang

                 tula at wala ring tugma ang bawat taludtod nito.



                                                                                 IKALAWANG TULA


Pamagat: Ang Babae sa Pagdaralita

May Akda: Joi Barrios

Teoryang Pampanitikan: Ang teoryang pampanitikan ng tulang ito ay Feminismo sapagkat

         tumutukoy ito sa karapatan ng mga kababihan na mabigyang pansin sa lipunan at layunin rin

         nito na maipakita ang tapang at kakayahan ng mga babae.


Patunay: 

               Nasa ating mga babae ang ang pakikibaka!

               Kung paanong sa gabi at sa araw

               ay wala tayong humpay sa paggawa,

               Kung paanong magkasabay na lumalaban

               at nag- aaruga,

               Matibay ang dibdib pagkat mapagkalinga

               ang ating pag- ibig.


Rimo: Ang tulang ito ay naglalayon na ipakita ang matapang na pagpapahayag ng damdamin ng mga

           kababaihan.

Imahen: Nakatitig ang walang talukap

               na mga mata ng sawa,


sawa- na ang ibig sabihin ay traydor


Anyo ng Tula: Ang kayarian ng Tula ay malayang taludturan dahil walang sinusunod na sukat ang

                 tula at wala ring tugma ang bawat taludtod nito.

                                                                                     IKATLONG TULA

Pamagat: Sandaang Hakbang Papuntang Malakanyang

May Akda: Frank Cimatu

Teoryang Pampanitikan: Ang tulang ito ay nasa teoryang Realismo sapagkat totoong nangyayari ito

               sa tunay na buhay. Ang mga mamamayan ay nakikibaka laban sa taliwas na pamamahala ng

               pamahalaan.

Patunay:
        
                Sandaang
                Hakbang
                Papuntang
                Malakanyang,
                Dala'ng
                Nakabulang
                Kartolinang
                Nakapinta'ng
                "Pamahalaang
                Suwapang,
                Kinawawa'ng
                Bayang
                Walang
                Kamuwang-
                Muwang"

Ritmo: Ang tulang ito ay nagpapahayag ng matapang napikikibaka ng mga mamamayan laban sa

             pamahalaan.


Anyo ng Tula: Ang kayarian ng Tula ay malayang taludturan dahil walang sinusunod na sukat ang

                 tula at wala ring tugma ang bawat taludtod nito.